आजदेखि लामो दुरीका सार्वजानिक यातायात संचालन हुदै

बुलेटिन संवाददाता
९ श्रावण २०७८, शनिबार ०९:४८

बुटवल ।  गत बैशाखको पहिलो हप्ताबाट पूर्णरुपमा ग्योरेजमा थन्किएका लामो तथा मध्यम दुरीका सार्वजानिक यातायातका सवारी साधनहरु आजबाट संचालनमा आउने भएका छन् । कोरोनाको ग्राफ घट्दै गएको निष्कर्ष निकाल्दै मन्त्रिपरिषद्ले सार्वजानिक यातायात संचालन गर्ने निर्णय गरेपछि यातायात सञ्चालन हुने भएको हो ।

जिल्ला प्रशासन कार्यालय बाँकेले सूचना प्रकाशित गर्दै गृह मन्त्रालयको परिपत्र अनुसार विद्यार्थीहरुको परीक्षालाई मध्यनजर गरेर यात्राको लागि सहजीकरण गर्न यातायात संचालन गर्न व्यवसायीलाई आग्रह गरेको छ । त्रिभुवन विश्व बिद्यालय, लोकसेवा आयोग लगायतका संस्थाहरुले परीक्षाके तालिका समेत प्रकाशन गरेका कारण देशका बिभिन्न भागबाट परिक्षार्थीहरुको आगमनलाई दृष्टिगत गरि मध्यम तथा लामो दुरीका यातायात संचालन गर्न प्रशासनले व्ष्वसायीलाई आग्रह गरेको छ ।

प्रशासनले यातायात व्यवसायीले नेपाल सरकारले तोकेको जनस्वास्थ्यका मापदण्ड अपनाएर यातायात संचालन गर्न अनुरोध गरेको छ ।

गृहमन्त्रालयले लामो दूरीका यातायात सञ्चालनमा सहजीकरण गर्न सबै जिल्लामा परिपत्र गरी सकेको छ ।