कोरोना ग्राफ क्रमशः ओरालो लाग्दै, २४ घण्टामा ७३६८ संक्रमित थपिए, १४५ को मृत्यु

बुलेटिन संवाददाता
२ जेष्ठ २०७८, आईतवार १८:३२

काठमाडौं । आइतबार पनि कोरोना संक्रमण हुने र मृत्यु हुनेको संख्या केही घटेको छ ।

पछिल्लो २४ घण्टामा ७ हजार ३१६ जना संक्रमित भएका छन् । १९ हजार ६३९ पीसीआर परीक्षण गर्दा ७३१६ जनामा संक्रमण पुष्टि भएको स्वास्थ्य मन्त्रालयका प्रवक्ता डा. जागेश्वर गौतमले जानकारी दिए ।

यस्तै ३४४ एन्टीजेन परीक्षणमा ५२ जनामा संक्रमण पुष्टि भएको छ । बिहीबार ६ हजार ६४८ जना संक्रमित निको भएका छन् ।

काठमाडौं उपत्यकाभित्र संक्रमित हुनेको संख्या २ हजार ६०९ रहेको छ । जसमध्ये काठमाडौंमा १८८१, ललितपुरमा ४३६ र भक्तपुरमा २९२ जनामा संक्रमण पुष्टि भएको छ ।

यस्तै पछिल्लो २४ घण्टामा १४५ जनाको मृत्यु भएको छ ।
मन्त्रालयका अनुसार आजसम्म सक्रिय संक्रमितको संख्या १ लाख १० हजार २६३ जना रहेको मन्त्रालयले जनाएको छ ।