२४ घण्टामा करिब ५ हजार संक्रमित, सक्रिय संक्रमितको संख्या ३० हजार नाघ्यो

बुलेटिन संवाददाता
१५ बैशाख २०७८, बुधबार १६:५३

काठमाडौं। नेपालमा पछिल्लो २४ घण्टामा करिब ५ हजार कोरोना संक्रमणका केस पुष्टि भएका छन्।

स्वास्थ्य तथा जनसंख्या मन्त्रालयले बुधबार दिएको जानकारी अनुसार पछिल्लो २४ घण्टामा ४८९७ जनामा कोरोनाभाइरसको संक्रमण पुष्टि भएको छ। १३८७९ जनाको पीसीआर र ९५५ जनाको एन्टिजेन परीक्षण गर्दा क्रमशः ४७७४ र १२३ जनामा संक्रमण पुष्टि भएको हो।

स्वास्थ्य मन्त्रालयका अनुसार काठमाडौं उपत्यकामा मात्र २,०४७ जना संक्रमित थपिएका छन्। योसँग नेपालमा सक्रिय संक्रमितको संख्या ३० हजार २०९ पुगेको छ।