सभामुख चयनको विवाद अब धेरै दिन नरहने मन्त्री ढकालको भनाई

बुलेटिन संवाददाता
३ माघ २०७६, शुक्रबार १३:४४

तनहुँ । सभामुख चयनको विवाद पार्टीको संसदीय दलको बैठकले टुङ्गो लगाउने स्वास्थ्य तथा जनसङ्ख्यामन्त्री भानुभक्त ढकालले बताएका छन् ।

नेपाल कम्युनिष्ट पार्टी (नेकपा) शुक्लागण्डकी नगर कमिटीले शुक्रबार तनहुँको दुलेगौँडामा आयोजना गरेको कार्यकर्ता भेटघाटमा मन्त्री ढकालले सभामुख चयनको विवाद अब धेरै दिन नरहने बताएका हुन् ।

मन्त्री ढकालले सभामुख चयन हुन नसक्दा संसद् बन्धक बनेको चर्चा गर्दै पार्टीले सहमतिमै सभामुख उम्मेदवार चयन गर्ने जिकिर गरे । उनले मिलेनियम च्यालेन्ज कर्पोरेसन९एमसिसी०का विषयमा धेरै चर्चा भएकाले त्यसबारे पनि संसदीय दलमा छलफल गरिने प्रष्टीकरण दिए ।

वर्तमान सरकारले गरेका राम्रा कामको पार्टीका कार्यकर्ताले प्रचारप्रसार गर्नुपर्नेमा जोड दिँदै मन्त्री ढकालले ‘समृद्ध नेपाल, सुखी नेपाली’ आकांक्षालाई सार्थक बनाउन सरकार लागिपरेको उल्लेख गरे ।