बोक्सीको आरोपमा बैतडीमा एक महिलामाथि कुटपीट

बुलेटिन संवाददाता
१५ मंसिर २०७६, आईतवार १०:३३

बैतडी । बोक्सीको आरोपमा बैतडीमा एक महिलामाथि कुटपीट भएको छ । जिल्लाको पुर्चौंडी नगरपालिका ९ तल्लादेही नाइनीकी ४० वर्षीया उत्तरा ढुंगालमाथि कुटपीट भएको हो ।

शनिबार उत्तरामाथि उनकै देवर डम्मर ढुंगाल र देवरानी पवित्रा ढुंगालले कुटपीट गरेको उत्तराका भाई शेरबहादुर महराले बताए । उत्तरालाई देखेपछि छोरो बिरामी हुन्छ भन्ने आरोप लगाएर उनीमाथि कुटपीट भएको महराले बताए । बोक्सीको आरोपमा कुटपीट गरिएकी उत्तरालाई उपचारका लागि शनिबार राति नै जिल्ला अस्पताल बैतडी लगिएको छ ।

उत्तरामाथि कुटपीट भएको पुर्चौंडी नगरपालिका वडा नं ९ का वडा अध्यक्ष रम्बा बोहराले पुष्टी गरे । उत्तरामाथि कुटपीट भएको भन्ने कुरा सुनेपछि आफू गाउँमै पुगेको पनि कारण भने खुल्न नसकेको पुर्चौंडी नगरपालिका वडा नं ९ का वडा अध्यक्ष रम्बा बोहराले जानकारी दिए ।

एकल महिला उत्तरामाथि बोक्सीको आरोपमा कुटपीट गरिएकाले आफू दीदीको उपचारकै लागि धनगढीबाट बैतडी पुगेको शेरबहादुर महराले बताए। बोक्सीको आरोपमा महिलामाथि कुटपीट भयो भन्ने खबर आएको प्रमुख जिल्ला अधिकारी आनन्द पौडेलले जाकारी दिए ।