युवतीलाई रेप गरेर  भिडियो बनाउने ११ जना पक्राउ

बुलेटिन संवाददाता
४ श्रावण २०७६, शनिबार ०८:०७

४ साउन, साइप्रस । १९ वर्षकी एक केटीलाई आफ्नो साथीको कोठामा गएका बेलामा ११ जनाले बलात्कार गरेर भिडियो बनाएका छन् ।

यो घटना साइप्रसको हो । बेलायती एक युवती साइप्रसको रिसोर्टमा बसेकी थिइन् ।

आफ्नो एक केटासाथीकोमा पुगेका बेला ११ जना अरु साथी आएर आफूलाई बलात्कार गरेको ती केटीले बताएकी छन् । १२ जना विरुद्ध नै उनले बलात्कारको मुद्दा हालेकी छन् ।

सबै केटाहरु इजरायलका बासिन्दा हुन् । युवती बेहोस भएपछि मात्र केटाहरुले छाडेको उनले बताएकी छन् । पुलिसले केटीको शरीरमा चोटैचोट पाइएको बताएको छ ।

अनुसन्धानमा १२ जना मध्ये एक जना केटासँग भने ती युवतीको लामो समयदेखि नै शारीरिक सम्बन्ध रहँदै आएको खुलेको छ । पुलिसले इजरायली केटाहरुलाई गिरफ्तार गरेको छ ।

केटाहरुले भिडियो बनाएर भाइरल बनाएका छन् । (एजेन्सी)