प्रतिबन्धित विप्लव समूहले भन्यो – प्रहरीको प्रतिरोध गर्दा नीरकुमारको शाहदत

बुलेटिन संवाददाता
२६ असार २०७६, बिहीबार ११:३५

२६ असार, काठमाडौं । प्रतिबन्धित नेत्रविक्रम चन्द नेतृत्वको विप्लव समूहले भोजपुरमा भएको गोलीकाण्डबारे आफ्नो धारणा सार्वजनिक गरेको छ ।

आज सगरमाथा ब्युरो इञ्चार्ज अधिकारका नामबाट जारी विज्ञप्तिमा प्रहरी सञ्जिव राईसँग जम्काभेट हुँदा प्रतिरोधका क्रममा निरकुमार राई ९प्रशान्त० को शाहदत भएको दाबी गरिएको छ ।

भोजपुर सदरमुकाम हटिया लाइनमा हजिो बिहान भएको भिडन्तमा प्रहरी जवान सञ्जिव पनि मारिएका थिए ।

विज्ञप्तिमा ७ जेठमा भोजपुरको टेम्के मयुम गाउँपालिका–२, दलसिंगेस्थित बाटो हिँडिरहेका वेला गिरफ्तार गरी चरम यातना दिइ हत्या गर्ने मध्येका एक सञ्जिव भएको दाबी पनि गरिएको छ ।

उनको टोलीसँग समगरमाथा ब्युरो सदस्य तथा ओखलढुंगाका सेक्रेटरी निरकुमारको परिवारसँग भेटघाट गरेर फर्किने क्रममा जम्काभेट भएको उल्लेख छ ।