विद्यार्थीहरूलाई साहित्यिक अनुशिक्षण

बुलेटिन संवाददाता
२६ जेष्ठ २०७६, आईतवार ०१:५६

पाल्पा २५ जेठ
सदरमुकाम तानसेनस्थित पाल्पा प्यारागनका विद्यार्थीहरूलाई साहित्यिक अनुशिक्षण दिइएको छ । पाल्पा साहित्य समाजले रजत जयन्तीको सन्दर्भ पारेर विद्यार्थीहरूलाई नेपाली साहित्यप्रति चासो र उत्साह जनाउने उद्देश्यले अनुशिक्षण गरेको समाजका अध्यक्ष पुष्कर राज रेग्मीले जनाए । ‘विद्यार्थीहरूलाई पाठ्यक्रमका ज्ञानमा मात्र सीमित राख्नु हुँदैन र सामान्य शैलीमा नेपाली साहित्यका गजल, कविता, मुक्तकमा कलम चलाउन सकुन भन्ने लक्ष्यका साथ अनुशिक्षण गरिएको हो’ अध्यक्ष रेग्मीले बताए ।

विद्यालयका प्रिन्सिपल गंगाबहादुर खत्रीले साहित्यिक क्षेत्रमा रुची राख्ने समूहलाई उनीहरूको प्रतिभा उजागर गर्ने उद्देश्य राखी कार्यक्रम आयोजना गरिएको जानकारी दिए । ‘विद्यालयमा विभिन्न विधामा जस्तै खेलकुद, साहित्य, कलामा रुची राख्नेहरूलाई समूह विभाजन गरिएको छ र यसै अन्र्तगत साहित्यिक समुहलाई प्रतिभा साहित्यप्रतिको प्रतिभालाई थप प्रभावकारी बनाउन प्रशिक्षण दिइएको हो ।’ प्रिन्सीपल खत्रीले बताए । उनले साहित्यक्षेत्रमा यो पहिलो प्रयास भएपनि विद्यार्थीहरूको चाहना अनुसार यसलाई निरन्तरता दिइने जनाए ।

प्रशिक्षणले विद्यार्थीहरूमा साहित्य क्षेत्रप्रतिको मोह बढ्ने र यसले नेपाली साहित्यलाई प्रवद्र्धन गर्दै नयाँ पुस्तामा साहित्य लेखन कलाको विकास हुने प्रशिक्षक रेग्मीले जनाए । अनुशिक्षणमा साहित्यिक समुहका ५० जना विद्यार्थी सहभागी रहेको प्रिन्सीपल खत्रीले बताए । उनले विद्यालयमा चित्रकला, वक्तृत्वकला, साहित्य, खेलकुद लगायतका क्षेत्रमा रुची राख्ने विद्यार्थीहरूलाई अलग अलग समूह विभाजन गरी विभिन्न प्रशिक्षण, अनुशिक्षण र प्रयोगात्मक क्रियाकलापहरूलाई विद्यालयले अतिरिक्त क्रियाकलापमा समेटेर अगाडि बढाइरहेको जानकारी दिए । पाल्पा साहित्य समाज र प्यारागन बोर्डिङ्ग स्कूलको संयुक्त आयोजनामा कार्यक्रम गरिएको हो