बाग्लुङका घर्तिको हृदयघातका कारण जापानमा निधन

२२ असार, जापान । जापानमा रोजगारको क्रममा रहेका एक नेपाली युवाको हृदयघात भएर अल्पायुमै निधन भएको छ ।
नेपाल बाग्लुङ जिल्ला गल्कोटको रिघा घर भएका ४० बर्षिय भविलाल घर्तीको हृदयघातका कारण मृत्यु भएको हो ।
तीन बर्षअघि मात्र रोजगारीको निम्ति जापान आएका घर्तीको जापानको साईतामा केनमा निधन भएको हो ।गल्कोट समाज जापानका संस्थापक अध्यक्ष बेलु काजी थापाका अनुसार घर्ती पूर्व नेपाल आर्मि थिए।                                                                                                                                                                                                                                                               संस्थापक अध्यक्ष थापाका अनुसार हिजो शनिवार राती काम सकेर घर फर्कदै गर्दा रेलभित्रै हृदयघात भएर घर्ती बेहोस भएका थिए।लगत्तै एम्बुलेन्समा राखेर अस्पताल पुर्याईएपनि चिकित्सकहरुले उनलाई मृत घोषणा गरेको बताईएको छ ।
विवाहिता घर्तीको नेपालमा श्रीमति र छोराछोरी रहेका छन् । हृदयघातका कारण अल्पायुमै निधन भएका घर्तीको दाहसंस्कार जापानमानै गरिने बताईएको छ ।                                                                                                                                                                                          यसको लागि मिति र स्थान तय हुन बाँकी रहेको गल्कोट समाजका उपाध्यक्षद्धय विजय भण्डारीले जानकारी दिएका छन् ।
घर्ती विशेष शिप अन्तर्गत कुक भिषामा तीन बर्षअघि जापान आएका थिए ।
अस्पतालले घर्तीको हृदयघातका कारण मृत्यु भएको पुष्टि गरेको र आवश्यक कागजात प्राप्त हुन बाँकी रहेकाले दाहसंस्कारको मिति तय नगरिएको उपाध्यक्ष भोजेन्द्र सुवेदीले जानकारी दिनुभयो ।